Las muntognas dal Grischun n'han betg procurà che nus hajan ina vista limitada, mabain in orizont ordvart vast. Per Vus giain nus dapi il 1858 numnadamain il pli gugent fin sisum la muntogna. Da là davent avain nus la survista sin las regiuns dal Grischun, da la Glaruna, da la Val dal Rain Songagliaisa e dal Principadi da Liechtenstein e provedin quellas cun servetschs da logistica e servetschs da far midada, cun gas e sals – e cun la forza da noss lavurers diligents.
Per l'interpresa Frars Kuoni Transport AG s'engaschan mintga di var 160 collavuraturs. Nus ans dain fadia d'agir cun in'effizienza ecologica ed economica e cun ina premura absoluta – tant en nossa sedia principala a Domat sco er en noss center da distribuziun engiadinais a Samedan. Grazia a nossas colliaziuns cun la gruppa Planzer pon Vossas spetgas gugent era surpassar ils cunfins grischuns – en autras regiuns da la Svizra u er a l'exteriur.
L'experientscha da nossa derivanza ans fa ferms per l'avegnir. Qua suondan ils pli impurtants muments da nossa istorgia da passa 150 onns:
| 1858 | Johann Ulrich Kuoni construescha ensemen cun ils possessurs da chavals da posta da Jenins il Karlihof a Cuira. Cun 20 chavals fa el divers transports, p.ex. per il vin dal Signuradi. |
| 1894 | Conrad ed Ernst, ils figls da Johann Ulrich, entran en uffizi sco successurs sut il num «Frars Kuoni». |
| 1901 | Ils Frars Kuoni avran ina filiala a Samedan. |
| 1936 | Conrad ed Ernst Kuoni cumpran ils emprims vehichels motorisads. |
| 1951 | L'interpresa «Frars Kuoni» sa transfurma en la societad d'aczias en possess da la famiglia «Frars Kuoni Cuira AG». |
| 1984 | L'interpresa fa midada a Cuira dal Karlihof en la Felsenaustrasse 5. |
| 1989 | Il center da distribuziun en la Cho d'Punt a Samedan cumenza cun sia activitad. |
| 1993 | Kuoni daventa commember da la gruppa Planzer. |
| 1996 | L'interpresa vegn affiliada via la Transvision a la rait da traffic cumbinada da la Cargo Domizil AG. |
| 2001 | Il center da distribuziun a Samedan vegn engrondì. |
| 2009 | La Frars Kuoni Transport AG avra ses center da transport e da logistica da magasinar topmodern a Domat cun ina surfatscha da magasinar da 20'000 m2. |
| 2010 | Surbagegiada da la infrastructura Cuera en in parc da industria. |
| 2011 | Surprida da la firma Wolf Transporte AG. |