Per spediziuns urgentas na duvrais Vus betg adina in currier. Sche Vus vulais trametter tocs da reserva, tocs accessorics, electromaterial, conservas da sang, medicaments d'impurtanza vitala u products frestgs, pudais Vus far quint cun noss servetsch d'express. Per la branscha d'automobils, da telecommunicaziun e da farmazia faschain nus transports en tut noss territori da distribuziun sis dis l'emna e quai fin a duas giadas il di.
Era la notg gudagnain nus temp per Vus, per exempel per Voss tecnicists da servetsch. Sco partenaris dal servetsch da notg Quali-Night AG vegnin nus per spediziuns da maximalmain 200 kilograms e trais meters lunghezza curt avant che Vus serrais Voss affar e las depositain fin il pli tard las 7 da la damaun en tut la Svizra u en il Principadi da Liechtenstein en il lieu che Vus inditgais – sin giavisch perfin cun administrar la clav per Voss magasin. L'avantatg per Vus: ils chauffeurs da notg èn adina per via sin il medem traject, els enconuschan pia Vossa martganzia, Voss vischins e Voss giavischs particulars.